Aliyoyasema January Makamba baada ya kutembelea mkoa wa Kagera juu ya ishu ya tetemeko la ardhi

 

Ofisi ya makamu wa rais inayoshughulikia muungano na mazingira imeanza kufanya tathmini ya kiwango cha uharibifu wa mazingira kilichosababishwa na tetemeko la ardhi lililotokea mkoani Kagera hivi karibuni lililosababisha vifo,majeruhi na uharibifu wa miundombinu.

Hayo yamesemwa na waziri wa sekta hiyo January Makamba, alipotembelea waathirika wa tetemeko hilo akiwa na wataalam kutoka baraza la mazingira la taifa NEMC, ambapo amesema watachunguza mfumo wa mazingira ulioathirika ili kujiridhisha kama kuna uharibifu wa mazingira ulioweza kujitokeza kabla ya kufanya ukarabati mpya.

Pamoja na makamba kutembelea majeruhi katika hospitali ya mkoa wa Kagera na majeruhi katika wilaya za Misenyi na hospitali ya Bukoba, lakini baadhi ya waathirika wamelalamika kuchelewa kwa baadhi ya misaada, na kuomba kasi ya ugawaji kuongezwa.

Makamba amesema wizara yake imetoa wataalam kadhaa watakaotafiti namna vyanzo vya maji vilivyoathirika, ikiwemo mifumo ya maji safi na taka ili kuzuia uwezekano wa kuwepo kwa milipuko ya magonjwa inayoweza kutokea kutokana na miundombinu mingi kuharibika wakati wa tetemeko hilo.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.