Wachezaji wa klabu ya Manchester United, Paul Pogba na Marouane Fellaini hawatocheza mchezo wa hatua ya robo fainali ya kombe la ligi (EFL Cup), ambapo Man Utd watawakalibisha wagonga nyundo kutoka jijini London West Ham Utd siku ya jumatano.
Viungo hao wawili walionyeshwa kadi za njano katika mchezo wa ligi ya England uliochezwa jana kwenye uwanja wa Old Trafford dhidi ya West Ham Utd, ambao ulimalizika kwa sare ya bao moja kwa moja.
Walifanya makosa katika mchezo huo, yamewasababishia wachezaji hao kufikisha kadi tano za njano kila mmoja, ambapo kisheria wanapaswa kutumikia adhabu ya kukosa mchezo mmoja wa michuano ambayo ipo chini ya chama cha soka nchini England FA.
0 comments :
Post a Comment