Rais John Magufuli atanganza wakurugenzi 185 wa halmashauri

Rais John Magufuli ametanganza wakurugenzi 185 wa halmashauri, huku akiteua takriban makada 30 walioshindwa kwenye kinyang’anyiro cha ubunge mwaka jana.

Katibu Mkuu wa Tamisemi, Mhandisi Mussa Iyombe, amesema jana kuwa Rais Magufuli ameteua wakurugenzi wa halmashauri za majiji matano, manispaa (21), miji (22) na wilaya 137 za Tanzania Bara, huku wakurugenzi waliobakizwa ni 65 tu.

Wakati Jumanne ya wiki hii,  Ofisi ya Rais, Utumishi wa Umma na Utawala Bora ikitangaza majina 134 ya makatibu tawala wa wilaya, Rais Magufuli ametengua uteuzi huo na kuwaweka kwenye timu yake ya wakurugenzi wa wilaya iliyotangazwa jana.

 “Rais Magufuli ameamua kuwabadilishia majukumu na sasa watatumikia vyeo vyao vya ukurugenzi badala ya ukatibu tawala wa wilaya,” imesema taarifa iliyotumwa na Ikulu  jana.

Source: Mwananchi

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.